原來佢哋實施咗新嘅做法，話係一切由心出發嘅客戶體驗模式，目的係希望全港二百幾間分行都有一致嘅優質服務。

女束髮 男禁戴耳環

成套標準服務模式都非常細緻，例如規定女同事只可配戴一對耳環，男同事就唔准戴，女同事長頭髮要紮起，與客對話時要有眼神接觸等等，總之無論係儀容、衣着、談吐都要講求專業形象。

喺未開始全新嘅服務模式前，分行同事要做足培訓，仲有書仔、貓紙卡提供畀佢哋，等佢哋容易記着嗰啲規條。為確保服務質素，中銀更安排了神秘人測試同事嘅服務水平。

太子有一日去佢哋嘅分行，行埋去櫃位做個好簡單嘅銀行服務，嗰teller就問我貴姓，等我以為有乜唔妥，做完服務之後，就講聲「多謝！希望下次可以再為您服務」，太子仲以為自己「升呢」做咗大客戶。

唔通中銀因為喺雷曼事件中形象受損，所以依家要重新建立喺客戶心目中嘅形象。