本文重點
一年一度嘅京港經濟合作研討洽談會，尋日喺北京舉行。今次政府率領一眾金融業界代表「拉大隊」到北京，自然少不了證券經紀嘅份兒，可惜期間發生咗一段小插曲，因為政府一啲安排上嘅不協調，令原本熱熱鬧鬧嘅氣氛頓時變僵，有經紀業代表大發牢騷。
證券學會主席張華峰今次冇上北京，但佢尋日收到不少喺北京嘅行家來電，大吐苦水。
提早離場表達不滿
五大會一心諗住捧場畀面，點知研討洽談會原來有一環節，是證券業協會主席李耀榮上台發表經紀業界對中港金融合作發展嘅意見，由於前事並不知情，代表有人仲提早離場。張華峰話佢哋唔係針對李耀榮，而係政府嘅安排實在唔協調，今次更加深經紀業界嘅分化，實在無風起浪，佢話一定要政府反映。