恒指起碼見二萬五

佢點解咁睇好呀？香港嘅經濟真係已經走出谷底了嗎？詹培忠話，原因好簡單啫，因為依家啲股民仲識驚個股市，喺咁嘅情況下，個股市仲有排升。傳統智慧話畀大家聽，當全民皆股，個個都唔識驚，撲入股市時，就係離場嘅時候。

佢仲話，近排個股市係咁升，但成交唔算好大，都係因為啲股民驚。佢睇依家個市，跌少少就會反彈，即係大漲小回，跌唔落呢。

詹培忠近排同港交所（00388）候任總裁李小加食過幾次飯。佢一向主張打破港交所壟斷，咁佢又有無同小加講？佢話大家食飯，都係講客套說話，但詹培忠仍然堅持「合久必分」，港交所由一九八六年四會合一至今，應該將創業板分出去畀其他有意者經營。不過，佢都明白呢個幾乎係無可能嘅事，話政府依家咁弱勢，點會肯做呢啲嘢？