曾任晶門非執董

唔講唔知，原來高錕同上市公司亦有淵源，佢曾經係晶門科技（02878）獨立非執行董事，佢於○四年三月加入公司做獨立非執董，公司其後於同年四月喺港交所主板上市。做咗四年後，高錕喺○八年二月二十九日請辭，話希望有更多時間與家人樂敍天倫。

晶門科技對於出了一名前董事局成員攞諾貝爾物理學獎，亦感到無限光榮。為咗慶祝高錕獲獎，公司將一幅以前董事會影落嘅大合照，每人簽上名並且加上恭賀說話，寄咗畀喺美國嘅高錕。唔知高錕收到相片後嘅感受如何呢？

除咗晶門科技外，高錕原來亦曾做過新意網（08008）獨立非執行董事，並於○七年一月退任。