本文重點
星辰通信（01155）主要從事生產同銷售無線電訊覆蓋系統設備同相關工程服務，受惠於內地3G加快建設，星辰今年中期業績錄理想增長，近日股價由3元水平回落，係趁低吸納良機，短期上升目標3元，中線睇3.5元。
業績方面，○九年（十二月結）上半年，星辰營業額5.63億元（人民幣．下同）上升52.5%，盈利8,336萬元，上升56.8%，每股獲利11.94仙，不派中期息，在外圍環境不穩的情況下，能有如此業績表現，尚算不錯。
受惠3G高速發展
星辰係內地3大無線通訊覆蓋系統供應商之一，提供2G、2.5G同3G相關產品，內地3大電訊都係主要客戶，上半年對中國聯通嘅銷售收益2.43億元，佔總收益43.2%，對中國移動嘅銷售收益2.49億元，佔總收益44.3%，對中國電信同其他客戶嘅收益7,071萬元，佔總收益12.6%。
下半年，星辰將推出十多項毛利率較高嘅無線覆蓋新產品，包括無線覆蓋市場、無線傳輸業務、無線接入系統等，保守估計全年盈利增42%至1.9億元，每股獲利0.272元（約0.308港元），以目標價3.5元計，市盈率11.4倍。
內地電訊業投資以千億元計，星晨食正條水，未來盈利可高速增長，中長線更值得持有。
星辰通信（01155） 目標價：3.5元 止蝕價：2.3元