內地四中全會重申要堅持宏觀經濟政策嘅連續性和穩定性，但不能逃避嘅問題係政府終有一日要「退市」，各國如何協調，有秩序地「功成身退」，將備受市場關注。不過內地喺「十．一」黃金周前似乎不想A股市場大幅波動。上周有人行官員大派定心丸，可惜上周五滬、深股市同挫逾3%，未來兩周，會否再宣布利好消息，不妨拭目以待。

放大圖片	放大圖片	放大圖片

阿莊手持嘅北控（00392），半年純利增長11.3%至14.1億元，每股盈利1.25元，中期息20仙。由於下半年經營表現可望優於上半年，估計其全年純利可挑戰30億元大關，計落現價預測市盈率十六倍，待明年陝京一、二線長輸管道增壓及儲氣工程竣工，將有助加快輸氣業務發展，現價估值叫阿莊揸得安心。

捕捉旅遊旺季商機

「十．一」黃金周期間，各地旅遊消費火紅，有國家旅遊相關機構估計，呢段時間動身旅遊嘅同胞會有2億人次。「財神」四出活動，勢必帶動旅遊、酒店、娛樂、飲食、零售購物等各行業，短期不妨留意資金會否借勢炒作相關股份。

講到呢類股，令阿莊想起錦江酒店（02006）。上月本欄曾分析過錦江酒店與旗下A股上市公司錦江股份（600754）嘅資產重組計劃，總括而言，重組完成後，錦江酒店專營星級酒店，與專營經濟型酒店嘅錦江股份，有明確分工。

阿莊相信，憑着「錦江」品牌喺上海地區嘅優勢，錦江酒店嘅星級酒店業務將持續復甦，有能力捕捉節慶旅遊旺季嘅商機，而明年上海舉行世博，錦江酒店亦勢必為城中焦點股。

錦江股價一浪高於一浪嘅走勢未變，若短線「十．一」黃金周概念股成氣候，股價可試衝2.6至2.7元，中長線目標則上移至3元，穿1.9元止蝕。