八月過檔海通證券

太子聽聞Matthew轉會消息，即時打電話畀佢關心吓佢。Matthew大方承認七月底就會係敦沛嘅Last day，八月三號會正式返新工。佢話喺海通證券，會做投資諮詢部副總裁，工作範疇都冇乜大變，不過呢，海通喺內地嘅網絡好好，所以未來會多啲同內地傳媒做訪問。咦，咁係咪即係話以後Matthew唔同香港讀者講股？佢即時話唔係，未來都係兩地跑，而未來亦都會繼續出席投資講座向散戶教路。

既然要多啲同內地傳媒做訪問，咁Matthew係咪秘密練兵操練緊普通話呢？佢就話冇有怕，因為新公司好多同事都係講普通話，日日講，一定掂。

而連敬涵亦都轉咗工，Kingston去咗僑豐證券，聽講係受到僑豐金融集團行政總裁許照中力邀，自己想接受新挑戰，所以先至過檔。