本文重點
新世界百貨(00825)早排宣布話要革新品牌,除咗改公司標誌,佢哋仲話要喺內地招募形象代言人。
全國選拔 明年決賽
新百貨嚟緊會喺旗下三十幾間內地分店舉行初選,再分5個區域做區域預選賽,最後就喺北京舉行總選,最終會選出一男一女,兩位得獎者可以瓜分總值超過60萬人民幣嘅獎金獎品,同埋贏得一年合約。
呢個活動過兩日開始接受報名,九月分區選拔,總決賽就會喺明年五月舉行。成個過程連同報名歷時近一年,相信會吸引內地傳媒報道,免費宣傳。新百貨執行董事兼彤叔乖孫鄭志剛,都幾好諗頭。
不過,太子發現參加新百貨代言人招募嘅人必須為新百貨嘅VIP,而新百貨喺內地一向走高檔路線,做得VIP嘅都係有高消費力嘅一群。唔知對佢哋嚟講,上述嘅獎金獎品又夠唔夠吸引呢?