近期美國大企業公布嘅業績符合預期，短期圍繞投資市場嘅氣氛溫和，大家嘅焦點都放喺月杪中美兩國高層對話有咩新啟示。

放大圖片	放大圖片	放大圖片

特區政府應經濟機遇委員會早前建議發展六個優勢產業，其中包括預留四幅土地，讓醫療產業興建私家醫院，希望可以惠及建築及旅遊業，推動醫療產業化。其實新加坡近年亦好積極扶持旅遊保健醫療產業發展，香港喺呢方面發展太慢，有必要急起直追。

今年上半年，富士康股價累計升幅一度高達1.6倍，原因去年底市場氣氛過於悲觀，公司股價出現嚴重超賣，當今年首季市場開始回穩，公司股價亦自然出現較大幅度嘅反彈。直到次季以來，其股價一直喺5至6元水平浮沉，主要係早前出現嘅嚴重超賣經已修正，未來能否再繼續向上，便要視乎公司嘅業務是否真的有起色。

代工iPhone惹憧憬

高盛早前曾發表報告，指美國數大電訊巨頭都表示擬採用Palm嘅「Pre」智能手機產品，料富士康可受惠於這個大方向。另一方面，近期市場盛傳聯通（00762）即將與蘋果就iPhone談判達成共識，上周五聯通股價曾高見11.3元。有市場消息指，富士康正為適用於內地3G嘅iPhone代工，現已進行測試。若然短期內聯通與蘋果真係達成合作協議，相信富士康股價亦具備一定嘅爆發力。