上證指數尋日雖曾一度下試3,011點，但及後即時作出反彈，可見3,000點水平有一定支持。不過，由於繼日前杭州收緊第二套房貸後，北京、上海及廣州的銀行都開始收緊第二套房貸，加上市傳人行將逐步回收資金流動性，故令投資者揣測，中央的寬鬆貨幣政策，有機會出現微調。
另一方面，亦有消息指內地保監會終於開綠燈，同意四家保險公司增設投資連保險帳戶的申請。由於這類投資連保險的資金，可望成為股市資金來源渠道，故此舉引起市場憧憬，若然消息屬實，可望成為新一輪A股升浪的催化劑。而A股表現強，對港股來說自然係好事，好似尋日咁，受惠A股做好，港股午後亦得以收復不少失地。
雖然大市波動，不過尋日部分細價股就再見鑊氣，只係現階段大市成交減少，後市方向亦未太明朗下，即使炒上，相信最多都係得嗰兩三日貨仔，故實在不宜持貨太久。