現居於英國嘅首任主席區偉賢話，從未諗過香港市場喺發展規模上會發展到今日嘅成就；佢仲話，作為監管者不應期望贏取別人嘅掌聲或者感謝，相信想入證監做嘅人要有心理準備。至於次任主席羅德滔，原來佢依家主要打理响墨爾本嘅葡萄園。

韋奕禮加薪唔夠1%

年輕生力軍方面，唯一嘅男士、外事科經理江卓嵐，以前做過財經記者，佢嘅分享係「高級管理層定期親自講解機構事宜的文化，是我最欣賞的地方。」相信佢前途一定似錦。講番大家一向關心嘅，就係行政總裁韋奕禮舊年嘅收入，原來只係微升0.5%至822萬元，但工作量就大增，因為雷曼事件，令證監舊年接獲歷來最多的10,070宗公眾投訴，其中8,252宗就同雷曼有關。