03/07/2009

播放本新聞相關短片
 
股價號碼: 

Burberry主席睇埋渣打

本文重點
自從戴維思辭咗渣打集團(02888)主席一職去做官之後,主席個位就一直懸空。不過,尋日渣打公布,已委任John Peace做主席呢個位,即時生效。太子諗渣打之後個形象會唔會再潮啲,因為阿John仲會兼任埋英國名牌Burberry嘅主席,如果係Burberry「粉絲」,又係渣打嘅客人,一定好期待有咩新搞作。

John Peace坐正

其實阿John上任之後都好忙,佢每星期都會投入最少三日時間做渣打主席,同時留任Burberry主席一職。

至於由Burberry分拆出嚟既Experian,阿John已經唔再做主席個位。

阿John○七年入渣打董事會做副主席,戴維思走咗後,就由佢擔任暫代主席。正式升上主席個位,佢每年基本袍金係65萬英鎊,亦可每年收取股份獎勵50萬英鎊。

講開渣打,出晒名鍾意跑馬拉松嘅渣打前執董狄朗華亦搵到好路數,出任中國信託商業銀行嘅董事長。佢上年六月正式離開渣打,之後一路都無乜消息,估唔到佢已經靜靜雞「跑」去台灣。哈!唔知會唔會令到中國信託商業銀行成班員工都愛上馬拉松呢?

投資要精明 助你成為投資達人
詳情瀏覽on.cc《精明理財》