蔡宏圖穩居首富

根據《福布斯》最新公布嘅台灣富豪排名，榜首仍然由台灣最大嘅金融控股公司—國泰金控董事長蔡宏圖穩坐，不過今年就夾埋細佬一齊以51億美元奪魁。

蔡宏圖叔父蔡萬才因經營富邦金控有道，今年以42億美元躋身第二位。雖然上一代早年分家，但後人唔單止守住份家產，仲愈做愈大添。

計番台灣最有錢嗰四十位富豪，過去一年嘅身家由770億美元，降至550億美元，唔見咗超過28%。但唔係人人都蝕錢嘅，好似蔡衍明，一年之內佢多咗成10億美元（約78億港元）身家，仲排喺富豪榜第三位添。

而魏應州亦憑康師傅身價上漲，財富多咗5.5億美元。呢兩位都係做食品生意嘅，大家有無得到啟示呢？