講起呢單令人摸不着頭腦嘅投資，原來係有緣故嘅。

重施故技血洗市場

憲哥早幾年投資咗一間生產LED燈嘅公司，而翔昇電子正係生產LED上游材料電路板。憲哥滿腹計仔，暗示會以低價血洗市場，就好似當年以低市價八成嘅價格，成功喺LED市場企穩一樣。

佢講到興起，又發揮抵死嘅本色，話喺佢血洗市場嘅策略下，相信無人夠膽同佢鬥平，咁就成功喇，間公司咪會變成呢個行業嘅周杰倫囉！咦？周天王？憲哥口氣都唔細喎！

不過都抵佢咁囂嘅！想當年，周杰倫陪着同學參加音樂比賽，負責彈鋼琴，做裁判嘅憲哥獨具慧眼發掘咗佢做幕後工作，這才有後來嘅一代天王。