成日出trip少見家人

佢指住佢籬離幾位華潤置地（01109）嘅中高層，叫老友問吓佢哋係咪可以成日見到屋企人，點知隔籬幾位都頭擰擰。宋總話，喺得華潤度做嘅人，好多都係內地派嚟香港，嚟到香港後又派返內地，華潤咁大個集團，三十幾萬員工分布天南地北，成日出trip，邊有可能成日都見到屋企人。

宋總話佢個女家陣喺美國讀緊大學，老婆走咗去陪讀，自己都好耐無見過個女。不過奇就奇在，雖然係咁，好多華潤系嘅中高層，包括身旁幾位都係一做就係十幾廿年，點解呢？

宋總話，華潤提供好多機會同舞台畀人一展所長，嗰種成就感唔係一般公司可以畀到，所以宋總呢排陸續辭咗上市公司主席銜頭，畀啲機會新人上位。不過，老友相信仲有一點吸引之處嘅，就係薪金待遇優厚，佢哋舊年金融海嘯，仲按公司業績表現又加薪又有花紅，邊間公司夠佢哋嚟呀。