其實郭董、汪總同埋復星副董事長梁信軍，連同復星旗下復地（02337）總裁范偉都係上海復旦大學嘅校友，佢哋一齊創業嘅故事相信唔少人都聽過。

郭董：汪總靚仔過我

郭董作為創業「牽頭人」，順理成章做埋集團「大佬」，其他幾位校友就各司其職，生意愈做愈大，反映佢哋合作無間。點知原來郭董連答問題都分工咁「仔細」，話汪總比起佢本人同梁信軍「樣子更帥」，所以應該答多啲問題。

汪總聞言有啲尷尬，而同樣坐喺台上面嘅梁信軍會唔會唔同意郭董嘅講法呢?有女記者就話，如果講靚仔，尋日冇現身嘅范偉應該係佢哋當中最靚仔嗰個，唔知郭董又點睇？