上市公司一向都係股東大晒，金科玉律就係為股東創造最大利益。金融海嘯後，唔少人反思係咪要好好平衡社會、員工、股東等嘅利益。

所以好多機構都加入咗員工意見調查、員工滿意度咁。滙豐近年都有將員工嘅感受加入考慮，成為管理層可以得到幾多花紅嘅因素之一。今次呢個名為「同王冬勝相聚一刻」嘅活動唔係第一年舉行。

對同事訴求有回應

好多時候呢類活動都會係吹水會，不過滙豐又真係有回應員工訴求，例如舊年佢哋嘅全球員工調查依家已經有結果，滙豐已經宣布會實行彈性工作安排；五月同埋呢個月都做咗客戶先鋒月，分享提供優質客戶服務嘅方法。