頻打電話報行蹤

太子傳媒老友有次見佢聽完個電話，即刻笑到見牙唔見眼，原來個女check緊佢做啲咩。陳總多年來都同屋企分開兩地，個女同老婆喺上海，佢自己一個人一半時間喺香港，另一半時間為咗工作要四圍飛，搞到無晒時間陪屋企人。好彩佢囡囡每日都會打幾個電話畀佢，先報告吓自己嗰日有啲咩事發生，再問陳總喺邊做緊咩咁，個女仲要求佢每次出差或者有咩行程變更，都要率先打電話報告，免得擔心爸爸喎！陳總仲話，有時老婆都唔知佢喺邊，反而要問番個女。