尋日港股雖一度跌至18,108點，但尾市跌幅顯著收窄。感覺上，個市似乎有意試吓跌唔跌得落，不過依恒指尾市走勢看來，挾淡倉行動尚未完結，熊仔黨應續靠邊站。
早前經已講過，聯通（00762）率先推出優惠3G收費套餐搶客後，三雄鼎立的內地電訊市場，減價戰一觸即發。話口未完，尋日內地就有消息指，中移（00941）正計劃以高額手機補貼及話費補貼的雙重優惠吸客，消息對電訊股帶來一定壓力，因此中移股價尋日報跌，最終以78.35元報收。總而言之，內地3G市場戰雲密布，相關股價定必愈趨波動，小心為上。
尋日資源類股份再度熱炒，尤其係個名有個「礦」字嘅股份都被大幅炒上，料今日續有炒作，可以留意。
May