近排個市朝早升幾百點，下晝可以跌番突；又或者朝早跌幾百點，下晝又會勁反彈，實玩死晒啲散戶啦。但原來散戶已頻頻轉炒即日鮮，升幾百點先沽貨，收市跌番又低撈返，日日係咁賺三幾千不知幾好。所以話，家陣啲散戶醒咗好多!
太子識得一個散戶Kevin，佢早前參加一項「輪證」（窩輪及牛熊證）仿真投資比賽勇奪亞軍，私底下投資了得，堪稱散戶股神。佢僅用咗一年時間賺到近百萬元，用嚟畀買樓首期。
原來○六年時，Kevin炒輪賺得第一桶金，○七年乘當時股市大升浪，重錘買入港交所（00388）及國壽（02628）等正股，長揸一段時間，結果成功翻咗幾番，令佢喺一年內把投資本金滾至近百萬元，並用作買樓嘅三成首期。Kevin投資哲學有兩大法則：第一「止蝕不止賺」；第二「寧買貴不買錯」。