05/06/2009

播放本新聞相關短片
 
股價號碼: 

梁高美懿巡區舊地重遊

緣分係好奇妙嘅,有緣嘅話無論距離幾遠都會再重遇,相信恒生銀行(00011)副董事長兼行政總裁梁高美懿,最近都深深體會到。佢上周第一次落區視察環境,就返到佢開人生第一個儲蓄戶口嘅跑馬地恒生分行,仲見番個好耐無見嘅客戶,呢啲咪就係緣分囉!

撞番二十幾年舊客

梁太當日被安排到跑馬地、銅鑼灣、北角、西灣河五間唔同年代嘅分行視察,去到跑馬地分行特別感觸良多,因為佢第一個儲蓄戶口就喺呢度開嘅。想當年跑馬地分行設計沿用銅門,銀行嘅徽號仲係古錢同金屬車轆圖案。梁太自己都話,發夢都估唔到會舊地重遊,而且身份更由當年一個開戶口嘅細路女,變成銀行嘅CEO。

最令梁太高興嘅係,佢撞番一個好耐無見嘅客人,呢位客人開戶超過二十年,同分行好多同事都好熟,所以一入嚟就好多人都認得佢。

最驚喜就係佢哋兩個都認得大家,梁太仲即刻約佢下次見面。

點解太子知道得咁清楚?當然啦,因為梁太將呢個咁興奮嘅重遇經歷,寫咗喺佢個CEO Blog嗰度同大家分享。

投資要精明 助你成為投資達人
詳情瀏覽on.cc《精明理財》