港股上周五一開市就衝上18,000點樓上，雖然恒指及後曾一度跌至17,800點水平，但最終也企穩18,100點樓上收市，成交金額達921億元。
傳統智慧話「五窮、六絕、七翻身」，但在過去呢個五月，恒指在最後一個交易日升穿18,000點，為過去八個月以來的新高；全月上升3,215點，升幅達17.1%，亦是過去三十五年以來升幅最大的一個五月。之所以，○九年呢個五月，相信最「窮」的應該是一眾淡友，其次就是因害怕而錯過是次升浪的股友們。
早前提過嘅網上熊仔黨，亦在網上宣布最後防線為18,300點。數一數，依家市場上收回價為18,300點的熊證就仲有9隻，街貨量達3.71億份。到底誰勝誰負，不妨拭目以待。