本文重點
中信泰富（00267）炒燶accumulator一事，雖然商罪科及證監會仍在調查當中，但隨着前主席榮智健及董事總經理范鴻齡雙雙下台，事件擾攘暫時告一段落。
太子某日翻開港交所（00388）最新年度嘅年報，發現年報顯示，曾是港交所董事嘅范鴻齡，○八年度董事袍金為30萬元。太子記得，港交所董事年前曾加過人工，董事每年袍金為30萬元。
十月已提出休假
由於范鴻齡係大忙人，更加係公職王，曾是積金局主席等，所以○八年度佢並無出任上述委員會職位。換言之，佢喺港交所一年嘅袍金係30萬元。舊年十月中信泰富事件曝光後，佢於十月二十二日已向港交所提出休假，暫停出席港交所董事會會議，因為要避免喺監管機構調查中信泰富時，令人覺得存有或可能有潛在利益衝突。因此佢去年曾休假，但仍攞足一年董事袍金30萬元。