上周五港股雖然有所反彈，但恒指在17,000點前頓見阻力，及後升幅收窄，最終全日都只係升得249點，而成交金額亦顯著回落至580億元左右。
上個禮拜國際油價一度重返每桶60美元樓上，令到市場再度揣測成品油價將上調，對此發改委就表示，雖然一切尚未得到落實，但就再次重申，成品油價將盡快上調，呢個答案似有還冇，但總之要發出嘅訊息就係「仲未有得加」!
不過，天然氣加價方案就有望快將落實，皆因內地就有消息指，天然氣漲價方案經已正式上報。難怪早前一眾燃氣股，好似港華燃氣（01083）、新奧燃氣（02688）以及中國燃氣（00384）等都錄得不俗升幅，相信今日將會續有炒作。
另一方面，繼海峽西岸經濟區後，國台辦上周亦宣布八項惠台新政策，希望從而推動內地企業赴台投資，相信一眾相關概念股今日仍不乏追捧，可以留意。