SNH48成員唐安琪因玩火致身體有8成燒傷，後果可大可小，皮膚科醫生史泰祖說：「估計佢係第三度燒傷，會導致皮膚組織壞死，而且大量電解質及水分將流失。此外，佢好大機會受細菌感染，因而致命，所以治療期間需要大量支援，例如要靠人造皮、食抗生素，而且要喺一個乾淨、清爽嘅地方休養。」他又指康復之路很漫長：「燒傷亦可能影響關節，令行動不便，將來需要靠物理治療。康復路好漫長，唔會係一頭半個月，可能會造成永久傷害。」
