恭喜！恭喜！藝人黃伊汶和陳國坤結婚一年半成功一索得男，並取名為「陳真」，百厭的陳真BB前晚提早出世，要榮升老竇的陳國坤漏夜從北京趕回港親為愛兒拍首張沙龍！文：音樂組 攝：李柏儒、追蹤組

小龍拿着大束鮮花送給Emme，咁識做，抵Emme幫你生個肥肥白白嘅B！

Yumiko和老公前晚率先探望Emme。

何嘉莉（右）昨日亦到醫院睇陳真BB。

現年35歲的「靚媽」黃伊汶原定本月底預產期擇日開刀，但B仔前晚便剖腹出生，重7磅，母子平安。3月2日凌晨十二時許，榮升老竇的陳國坤（小龍）趕到醫院，問太太是否已生B時，小龍仍答「未知」，他興奮地稱已為兒子改名：「陳真呀，真係(口架)！我個仔叫陳真啱晒啦！」之後便急急上產房見母子。

鮮花驚喜慰妻

約凌晨一時，Emme和小龍分別上載愛兒的照片，據知BB首張沙龍是小龍親自操刀拍攝。

照顧母子一夜，小龍昨午三時許坐七人車再到醫院，手執鮮花的他說：「BB比預期早出世，打亂咗。（BB似邊個？）似媽咪多啲，皮膚同眉就似我，粗獷啲，不過整體就似媽咪。（餵人奶？）係呀，對小朋友好啲。」

他透露醫生指Emme需多留院4至5日，他亦會陪伴太太。提到手上鮮花？他表示用以慰勞太太：「買一紮都唔夠。（點獎勵老婆？）造咗個獎盃畀佢，我都不斷畀Surprise佢。」問到Emme產後如何？他讚太太好勁，身形與未生前差不多，相當Fit，又表示會陪Emme坐月，4月中才開工。

另外，鄭希怡（Yumiko）與丈夫前晚最早抵達醫院照顧Emme，Yumiko離開時更大讚BB：「好靚仔，一出世就有六舊腹肌！」而好友何嘉莉、陳小春和谷祖琳等昨日亦有到醫院探Emme母子。