現年71歲的資深藝人盧大偉傳病危在東區醫院留醫，昨午到醫院探病的盧太說：「暫時OK，清醒嘅。（傳佢病危？）係病但清醒嘅。（有生命危險？）暫時穩定。（認唔認到人？）認到，仲有講有笑，佢見到個個人都講爛Gag。（瘦咗好多？）感冒都會瘦，佢有段時間90％食素，係瘦咗好多。（佢心情點？）由第一日入院到依家，佢都好正面樂觀、樂天，見到任何人都係咁開心講爛Gag ，醫生、醫護人員都好錫佢，佢係一個好開心嘅病人，成日同醫生講爛Gag。（啱啱做完手術？）唔回應。」

盧太表示盧大偉見到人便講爛Gag。

張崇德

此外，盧太不願回應有傳曾志偉負責醫藥費問題，問到甚麼時候出院？她說：「醫生話如果OK就出院。」約晚上八時盧太買了兩袋飲品慰勞傳媒，她說：「佢情況穩定，只係易攰，成日都瞓覺休息，但係一起身就講啲骨痹說話。圈中好多朋友好有心，發短訊慰問。」此外，張崇德昨午到醫院探望盧大偉，但不願透露對方病情，傍晚陳敏兒亦現身探病。