吳毅將因「急性主動脈血管撕裂」入院，內科醫生陳藝賢解釋病情：「心臟入面嘅主動脈輸血到大動脈，繼而透過分支輸血到身體各部分。顧名思義，呢個病即係主動脈嘅血管壁出現裂口，有可能造成爆血管，會影響到大動脈嘅輸血運作，難以輸血去身體。」他又指病因可能是吳毅將平日的生活習慣引致：「如果佢有食煙、飲酒、平時食多糖、多油食物，都有可能造成高血壓，而『主動脈血管撕裂』主要係高血壓引起。」

吳毅將今次急性入院，首24小時是治療的「黃金時間」，陳醫生說：「頭24小時係最重要，要幫佢做個外科心臟手術，即係幫佢換個人造血管壁。不過就算做完手術，都要靠佢自己維持一個好嘅生活習慣，控制住血壓，先唔會再令血管撕裂。」