男子組合Gentlemen成員Hugo（吳曉高）不但愛打籃球，更有鋪儲波鞋癮，家中收藏了60多對波鞋，總值至少近十萬元，他說：「Yeezy Boost 350應該係最貴嗰對，已經炒到一萬蚊以上，二手都炒到八千幾。」他當正波鞋是「寶貝」，地位絕對凌駕女友：「我依家單身！如果將來個女友唔畀我買，我都會偷偷哋買！以前第一份工係喺波鞋街返工，嗰陣已經愛上波鞋！」為了讓「寶貝」保持乾淨靚仔，他每次出街前都花點工夫：「出街前會噴一層噴霧，唔可以唔着佢哋出街，因為容易潮濕變黃，同埋個底會老化裂開！」

Hugo最愛收藏波鞋，家中有60多對「心肝寶貝」！