孫慧雪早前到芬蘭旅遊感受節日氣氛，最近又趁聖誕炮製Macaroon，並預告會與親友歡度佳節，絕不Lonely！

阿雪早前到芬蘭提前慶祝聖誕，仲攬實聖誕老人達成夢想添！

阿雪約埋屋企人同老友共度佳節，邊個話單身就要過Lonely Christmas？

阿雪單身但不愁寂寞，一於炮製Macaroon迎接甜蜜聖誕！

孫慧雪（阿雪）早前回復單身，幸有親友陪伴慶祝佳節，她專誠炮製賣相可愛的Macaroon（馬卡龍），實行度過一個又Sweet又不Lonely的聖誕，她說：「今年聖誕會同朋友、屋企人一齊過，我鍾意一大班人嘅氣氛，會請朋友上嚟屋企玩同埋交換禮物，見到朋友抽到唔鍾意嘅禮物都會好開心！」

Make A Wish!

阿雪早前率先在芬蘭歡度白色聖誕，印象難忘，她說：「11月去咗芬蘭聖誕老人村，冇諗過會見到聖誕老人，好似實現咗細個嘅夢想！我仲拜託聖誕老人一定要寄聖誕卡畀我，如果收到實會好開心！」除了與聖誕老人會面外，她在當地亦大有斬獲：「買咗好多個聖誕老人返嚟，佢哋冇眼但有好大個鼻，個樣好得意！我去到邊都買幾個，買買吓就買咗好多個！」

乖乖女滴酒不沾

自認保守的阿雪聖誕節習慣做乖乖女，既不作性感打扮亦不飲酒：「唔會着到勁Sexy，但要有聖誕氣氛，會去Gel甲同埋着紅色衫出街。我多數係食聖誕大餐，起碼食兩、三餐Buffet，反而比較少出去玩，亦唔會飲酒，聖誕應該溫馨咁度過！」

文：專案組

攝：黎志輝