入行十年的前港姐冠軍葉翠翠，今年7月與老公周曉東拉埋天窗，夫妻倆即將度過婚後第一個聖誕，她大呻老公不夠浪漫：「佢講嘅浪漫好搞笑，就係揸開篷車去沙灘，佢可能要適應吓我講嘅浪漫，Book間餐廳食飯，有紮花收，再有啲花心思嘅禮物好似整張卡咁。今年佢Book咗餐廳，同埋會去幾日旅行。」問到會否趁聖誕之旅「造人」時，她說：「其實生小朋友嘅計劃已經開始咗，我希望所有嘢都喺掌握之中。」她又認為毋須拘泥於交換禮物上：「佢當初憑自製卡呃我番嚟，今年我諗唔會有，因為都呃到啦！我就多數送日用品，今年唔送喇！我都送咗自己畀佢啦！」

葉翠翠大呻老公不夠浪漫，惟有親自教路應如何慶祝聖誕。