聖誕佳節前夕，同門的甄詠珊及安俊豪合力製作皮革鎖匙扣！談到最難忘的聖誕節，甄詠珊表示某年與歌神許冠傑度過，而安俊豪則在泰國巧遇巨星畢彼特，但後悔未有上前「集郵」！

甄詠珊提起曾與歌神許冠傑共度聖誕時，忍不住甜笑起來。

甄詠珊和安俊豪都希望將手上的皮革製成品送給粉絲。

製作過程中，甄詠珊有姿勢又有實際，安俊豪做小手作亦有板有眼。

聖誕即將來臨，甄詠珊（Carisa）與師弟安俊豪（Simon）聯手製作皮革鎖匙扣慶佳節。製作過程中，Carisa不時指導Simon，盡顯大師姐風範！然而，作為男生，Simon做起手作時竟毫無難度，他說：「對我哋嚟講就唔係好難，甄詠珊本身成日玩勞作，我就學過Fashion，所以識縫嘢。」Carisa說：「係導師教得好，佢好細心，令我哋都好快上手。」向來熱愛做手作的她自爆近日迷上整番梘：「因為隻手不停郁，可以減拜拜肉。」

後悔冇集郵

談到最難忘的聖誕節，Simon透露某年聖誕在泰國避寒，竟遇上荷里活巨星畢彼特（Brad Pitt）：「因為我媽媽係泰國人，而且全家都好怕凍，所以有一年聖誕去泰國避寒，撞到畢彼特，我喺商場見到佢，覺得好熟口面，跟住發現原來係畢彼特，之後我家姐就衝埋去影相，嗰陣細個唔知邊個冇咩反應，依家諗番好後悔冇影相。」而Carisa則表示某年曾與歌神許冠傑度過：「嗰陣佢開演唱會，我係其中一個天使，跟住佢巡迴演出。咁啱嗰年聖誕我哋去咗多倫多，Sam除咗彈結他唱歌畀我哋聽之外，仲每人送咗份禮物添！」

文：專案組

攝：吳文聰