張晉在新片《葉問3》中與甄子丹大爭「詠春正宗」稱號，拍動作片始終有受傷風險，他表示今次都有少少傷，最後一場與子丹的對打戲令人拍案叫絕：「因為嗰場係將詠春所有嘢展示出嚟！」他又表示兩人閃電式對打中一秒鐘打足七拳：「可能要校慢啲畀觀眾睇清楚！」

張晉對於新片飾演的角色十分了解。

張晉（右）在新片中與甄子丹不乏對手戲。

雖然終於搣甩奸角，但他表示角色不惜以極端手法來達到目的：「我可以理解佢急於求成嘅心態，因為我之前每一套戲都用心去演，但始終打唔開道門。」幸而有宗教、家人和朋友支持才能在起起跌跌間捱過：「如果嗰時唔經歷就可能依家會經歷，但依家經歷就可能會承受唔到。」