黃德斌在無綫新劇《刀下留人》中飾演一名極具殺氣的劊子手，劇中與拍檔邵美琪再度合作：「同佢合作過劇集《火舞黃沙》，喺電影上亦飾演夫妻，大家可以話係好拍檔，佢亦係我敬重嘅前輩，前輩唔關年紀問題，而係佢做事好專業。今次再合作大家有默契，佢好快投入角色，演得好自然。」問到他擔正男主角，會否有獎項和收視壓力？他表示沒有想太多，很多事情無法控制，作為演員只要演好每個角色：「無論戲份多與少，一部劇唔係只得一個人去做，每個人物都重要，觀眾先鍾意睇，希望做到多啲觀眾喜歡。」

外表Cool爆的黃德斌，其實甚有幽默感。

黃德斌給人很Cool的感覺，他笑言現實中並不是大家看到螢幕前那麼Cool：「認識我耐嘅人就會知，但我唔係刻意營造Cool嘅一面，我都想演喜劇，試吓其他不同類型角色，其實我嘅幽默感都唔少。」