鄭俊弘（Fred）與組合SiS樂印姊妹日前出席外傭家居職業安全活動，獨居的Fred表示沒有聘請外傭，要自己落手打理寓所，問有否試過受傷？他說：「有次着咗短袖衫通渠，戴咗手套以為冇事，仲以為叻仔，點知嗰啲液體彈到個身，正正彈到啲肉，搞到勁乸。（搵個女友幫輕家務囉！）通渠都要自己嚟，唔通叫女友通咩！」

駱胤樺（左起）、駱胤鳴和鄭俊弘日前齊出席活動。

至於SiS的駱胤鳴則笑指是姊姊駱胤樺的傭人，故職安意識充足，談到在活動上取笑家姐要趁機學習家務安全意識，是否家姐並非常做家務？駱胤鳴說：「都有嘅，但佢懶同慢啲囉！（畀多啲佢做？）依家會覺得安全重要啲。」