樂隊LMF及Hardpack鼓手李健宏（Kevin Boy）早年憑惡搞短片系列《玩爆你個腎》人氣急升，吸納不少年輕粉絲。搞作多多的他早前更推出個人單曲，由台後走到幕前，最近他亦製作了新歌《我是一個小小小小小小小鼓手》：「因為我係由鼓手開始變做歌手，可以話畀大家知我呢條友究竟喺邊度出嚟。」

Kevin Boy學其他歌手開騷前做Gym，體驗他們的辛苦。髮型：Sky of la mod
場地：FFG

KB亦坦言一直游走於主流和非主流之間：「我其實地下同主流都有少少，好彩我哋拍片有年輕人識，我近排都拍咗條片叫《操爆歌手個肺》，因為我之前開咗場騷，條片係拍我出騷前究竟要做啲咩，平時見其他歌手開騷前都會鋪做運動同練歌嘅自拍相上網，我親自試完都覺得辛苦，所以歌手係好嘢嘅！」