「巨聲幫」胡鴻鈞日前推出新專輯，對於「星夢一哥」許廷鏗一年出兩張唱片，他表示從不與人比較兼妒忌，強調過去兩年未有偷懶，參與拍劇及主持旅遊節目，但承認音樂上的確放慢腳步。

胡鴻鈞籌備兩年的專輯終於面世，但他坦言翻唱別人的歌有壓力。

胡鴻鈞近年踩入電視界，在音樂上放慢腳步。

胡鴻鈞（左）與師兄許廷鏗情如手足，從不妒忌對方。

胡鴻鈞（Hubert）籌備兩年的專輯《明知故犯》終於面世，曾翻唱何韻詩金曲《化蝶》的他，今次再翻唱新加坡歌手許美靜的《明知故犯》，問到是否愛上翻唱歌？他說：「翻唱係老闆意思，佢覺得我把聲偏向柔情少少，翻唱女仔歌會有優勢同凸顯到把聲，覺得老闆好有眼光。」

不同人比較

Hubert承認翻唱歌有一定壓力：「會當新歌咁唱，相信自己同原唱唔差得太遠。」等足兩年才再出碟的他表示不會妒忌一年出兩張唱片的許廷鏗，他說：「從來唔同人比較，只同自己比較，睇自己一年比一年成熟，冇必要同人比較。」

踩入電視界

年初踩入電視界的Hubert強調過去沒有停下來：「今年初做咗好多唔同工作，年頭拍劇、主持旅遊節目，音樂上步伐好似慢咗，正正放慢令我有時間諗自己條路點行。」他坦言學會主動同積極：「所以覺得上年嘅時間對我嚟講係好好嘅沉澱，令我知未來條路點行。」

文：音樂組　

攝：吳文聰