鄭中基、吳鎮宇、余安安與導演谷德昭昨日出席新片《惡人谷》記招，片中負責「蝦細路」的鄭中基說：「熄機之後要同小朋友講Sorry。」問到有沒有被小朋友整蠱？他說：「個女依家4歲，成日問我去廁所做乜？我咪答佢『去屙屎囉！』之後媽咪問佢我去咗邊，個女就話『爸爸又去咗屙屎！』」鎮宇則說：「我浸浴嗰陣個仔會倒杯凍水落我度。」

鄭中基（右）和吳鎮宇異口同聲經常被兒女整蠱，但似乎他倆都樂在其中！

同場激減至170磅的谷德昭被指因甲狀腺病而激瘦50磅，他說：「為健康囉！（體檢成績麻麻?）就係驚，減肥後比之前健康好多。（甲狀腺有問題 ?）冇。（點減肥﹖）見營養師，做運動。（繼續減？）營養師話我啱啱脫離癡肥，叫我減少啲脂肪增加啲肌肉。」