甄子丹帶同家人出席《葉問3》首映禮，自爆「零片酬」演出搞氣氛，更透露老闆黃百鳴呻不夠錢的同時，又提議開拍第四集！他又表示不少粉絲支持「葉問精神」，故對票房有信心。

甄子丹大擺詠春甫士，有姿勢又有實際！

熊黛林身穿白色長裙亮相，高貴又大方！

甄子丹爆黃百鳴嗌冇錢又想開拍續集，場面搞笑！

甄子丹一家大細到齊首映禮，為《葉問3》打打氣！

甄子丹在太太汪詩詩與子女的陪同下，與張晉、黃百鳴、吳千語及熊黛林（Lynn）等於出席馬百良呈獻《葉問3》香港首映禮。子丹在台上笑言沒有收片酬，又指老闆黃百鳴狂呻唔夠錢。他受訪時表示對票房有信心：「呢八年去到全世界大家都叫葉問，令我非常自豪。」

續集長拍長有

談到在台上自爆「零片酬」，他笑言只是搞氣氛，更踢爆黃百鳴呻不夠錢，但又想開拍續集：「老闆成日都話唔夠錢，又話啲演員收得太多，最後咪笑到四萬咁口。（預計開幾多集？）唔知。」同場的張晉透露家人既不忍他因拍戲受傷，但又希望他能在幕前好好發揮：「如果我為咗唔拚搏而唔拍電影，我自己都唔忿氣啦！所以多啲嚟密啲手。」

Lynn戀戰沖繩

獨自到場的熊黛林表示未看演出，故不敢叫男友郭可頌前來欣賞，更相信男友會與家人買票支持。提到之前被《好報》大爆未忘「城」，令她與男友陷入「冷戰」，她否認男友不開心，又透露聖誕會跟他到沖繩旅行，否認在當地結婚的她揚言不會閃婚。問到男友有否向她抱怨？她說：「冇。（今日怕太多傳媒而唔嚟？）今日戲中老公喺度嘛！等以後我有老公先帶佢嚟。」

文：影視組