無綫劇《刀下留人》演員黃德斌、邵美琪與龔嘉欣等昨日到社區中心宣傳新劇。對於有傳吳業坤追求，並以「姊弟戀」來形容，龔嘉欣聞言即澄清只是大對方四個月，又大讚緋聞男友有才華和得意：「佢人紅是非多，大家合作拍劇，難免有新聞。（早前被拍到一齊食早餐？）其實係好簡單嘅一件事，我哋冇避忌。」嘉欣表示愛情並非生活中頭三位，目前工作第一：「可能佢有心儀女仔呢！隨緣啦！要花時間觀察吓先。（可考慮？）交朋友都要觀察啦！睇清楚究竟啱唔啱自己，可能對方花心呢！心目中想要專一、成熟嘅男仔！（有陰影？）都係，見過鬼仲唔怕黑咩！」

龔嘉欣目前工作第一，感情隨緣。

龔嘉欣（左起）、黃德斌與邵美琪宣傳《刀》劇，大批粉絲撐場。

黃德斌與邵美琪上台玩魔術，與眾同樂。