著名漫畫家黃玉郎昨日與英皇集團老闆楊受成、林文龍、泳兒與鍾舒漫等出席「玉郎巨星文化創意樂園」項目投資協議簽署儀式發布會。黃玉郎表示該園區預計明年中動工，2018年在杭州開業，整個投資計劃高達8億港元，而他更出資近半。

黃玉郎（右）開設「創意樂園」，獲英皇老闆楊受成力撐。

黃玉郎於活動上公布園區規劃資訊：「園區會分動漫天地、巨星天地同玄幻天地，動漫天地除咗我嘅作品，仲有日本、內地同台灣嘅漫畫作品。而巨星天地就會搵代言人，將啲經典電影場面放入去，玄幻天地就放機動遊戲。」園區估算每年入場人次達200萬，入場費則約200至300元人民幣。

另外，小時候曾立志做漫畫家的鍾舒漫自嘲只適合畫四格漫畫，而泳兒亦有留意黃玉郎的作品，大讚畫風Man爆：「佢畫男人Body畫得好有氣勢！（鍾意大隻仔？）淨係鍾意漫畫嗰啲大隻。」