方力申（小方）昨日偕鄧麗欣（Stephy）錄影無綫節目《兄弟幫》，宣傳電影《紀念日》，提到片中遭小方鬧爆難頂，Stephy笑言最嬲是令人誤會她真的很難頂，問到會否再合作，她笑說：「要考慮吓先。」談到郭富城認戀27歲上海模特兒方媛，小方衝口而出稱「好羨慕」，Stephy即不滿反問：「羨慕喺上海？27歲？Model定公開？」嚇得小方口窒窒澄清：「好羨慕人哋熱戀、搵到個鍾意嘅，天王公開戀情好少有，證明係認真嘅！恭喜！」Stephy即直言毋須羨慕別人，豈料小方認叻自誇「自己都幾好」，即惹來她寸道：「係囉！點解你要羨慕人哋呢？」被秒殺的小方補飛說：「我戥人高興啫。」