方媛（Moka）於2012年加盟施念慈旗下，與陳靜及郭穎兒（Celia K.）等同門，昨日Moka榮升城嫂的消息爆出，原來Celia K.上周在港與Moka撐枱腳：「早幾日係有同Moka食飯，但係我哋係傾美容扮靚，冇傾亦都冇問佢私人事，我唔知佢同郭富城拍拖，亦唔會主動去問佢，因為係佢私隱，佢係好可愛嘅女仔，有人喜歡有拖拍都好正常。」而前經理人施念慈則指與Moka的合作關係已結束：「呢個女仔係我一個朋友介紹過嚟簽我，喺我旗下時好乖、好斯文，印象好好。之後大家冇合作聯絡，聽到呢個拍拖消息，祝福佢！」至於身在外地旅行的陳靜則澄清不是她介紹Moka加入公司，更指不知道Moka的戀情，但會祝福對方！

施念慈（左）及陳靜都為Moka送上祝福。