金馬男配白只夥拍城城有壓力

在新片《踏血尋梅》中扮演老差骨的郭富城，日前聯同出爐金馬獎「最佳男配角」白只及導演翁子光受訪，大談拍攝點滴，非首次演警察的城城為令觀眾有新鮮感，特別在造型及化妝上下苦功，他說：「個妝會有啲蒼老，再加埋白頭髮同着背心，好似為寂寞帶嚟一種保護！」提到與白只不乏對手戲，他即大讚這位影壇新丁很有天賦，問到拍攝時有否指點對方，他說：「我都做過新人，畀多啲信心佢，NG唔緊要，不過佢見到我有少少壓力，話晒都兩屆金馬影帝，唔係流（口架）嘛！講笑，其實名銜係過眼雲煙啫！」而從舞台劇演員轉戰電影圈，幸運地憑首部作品在「金馬」獲獎，白只透露拍攝初期曾大感壓力：「好佩服演員拍攝嗰日已進入角色，好神奇，唔似得舞台劇可以幾個月前綵排晒先演出。（同城城演對手戲有壓力？）有，四目交投時佢對眼咁大，女仔都有心跳，何況我！」