現年50歲的天王郭富城前晚突然在微博上載拖手相，公開與27歲內地嫩模方媛的戀情，堪輿學家陳子才讚兩人非常啱Key：「第一點，郭富城嘅命格五行屬水，方媛嘅命格就五行屬火，基本上都係唔錯嘅配搭；第二點，佢哋生肖係彼此嘅『天喜桃花生肖』，代表佢哋特別容易對另一方有好感；第三點，佢哋夫妻宮相合，代表感情溝通良好，好啱傾；第四點，女仔嗰邊性格比較熱情主動同乖巧，代表都甚得郭富城歡心！」

陳子才批郭富城與方媛命格相合，感情方面夠啱Key！

城城早前曾明言想結婚，現時又高調公開戀情，問到兩人是否快有好消息公布？陳子才說：「2016至2017年都係郭富城嘅結婚年，相信好快會有喜訊傳出！」至於兩人是否很快便生B？他說：「最快喺2017年會有喜訊！」