傅穎（Theresa）早前與家人到法國巴黎旅遊，第一次到訪的她此行主要是吃喝玩樂，她說：「雖然去得幾日，因為之後要去上海開工，佢哋就繼續喺歐洲玩，成個行程都好開心！」Theresa覺得當地充滿藝術氣息，很適合戀人去旅遊：「希望有一日同自己鍾意嘅人去遊覽吓，好似心鎖橋、巴黎鐵塔，係幾浪漫。」她表示此行吃了一頓豐富的海鮮餐，又試過登船享用晚餐，邊食邊遊覽巴黎夜景，嗜甜的她臨走還到當地著名的糕點店食Macaron（馬卡龍）：「我哋去食Tea，點齊晒咁多種味道嘅Macaron，好滿足！」

傅穎在巴黎鐵塔前留影。

難得遊法，傅穎大吃特吃之餘，又參觀著名景點心鎖橋。

而對於當地發生恐襲，Theresa說：「幾恐怖！我喺巴黎住嘅酒店幾近嗰個大劇院，件事太突然，啲死者好無辜！」