歌手可嵐早前出席電台訪問，除了宣傳新歌《匆匆一生》外，她表示最近參加動作特技演員訓練班，但密集的訓練令體力和體質有點負荷不住：「之前上堂撻親，睇針灸用走罐幫我整，話我原來係肋骨出血，應該係因為手臂唔係好夠力，始終依家三十歲，唔似得做女仔嗰時嘅體質。」
可嵐雖然肋骨出血咁傷，但有囝囝呵番，乜都唔痛啦！
問到四歲的囝囝可有關心她？她冧爆指囝囝很照顧她：「我有畀囝囝睇我整親，佢就走過嚟幫我吹吹，好Warm！即刻唔痛喇！佢細個時整親，我都會幫佢吹吹。」
