莫家淦搞百日宴 囝囝瞓足全場

無綫主播莫家淦（Keith）早前為囝囝朗翹舉行百日宴，圈中好友陳百祥（阿叻）、洪天明與太太周家蔚及梁烈唯等撐場，Keith十分感恩：「阿叻差唔多最早到又遲走，仲帶咗自己有份投資嘅紅酒嚟，隻酒剛剛得獎，專登畀我哋試吓！至於天明個細仔仲好細，唔留得夜，都嚟一嚟送份禮，好有心！唯唯就完咗活動都趕來，好多謝佢哋！」但最搞笑是BB全日在睡覺，Keith說：「佢都算乖，第一次喺咁多人嘅場合都冇喊！但張張相佢都係合埋眼！」他又自誇在湊仔技術方面愈來愈了得，而囝囝三個月大後開始穩定，他亦終可騰出時間做運動。