無綫劇集《城寨英雄》演員陳展鵬與袁偉豪近日拍攝一場大型打鬥場面，劇情講述展鵬與袁偉豪不打不相識，後來聯手打低數十個壞人。拍攝時展鵬與袁偉豪擺起架式，台型十足，雖然點到即止，但也打到雙手又瘀又腫，展鵬說：「戲裏面要真打，所以對手都瘀晒。」明顯疲憊不堪的他，原來已拍了數日通宵，他形容該劇是拍攝以來打得最多兼最辛苦的一套：「我由頭打到尾，真係好攰，但係都值得，出嚟嘅效果好好。」

陳展鵬（左）擺好功架與袁偉豪對打，氣氛如箭在弦。

他早前再奪新加坡視帝，問到可有信心再下一城奪馬來西亞視帝？他說：「到時拍緊《巨輪Ⅱ》，未知去唔去到。」可會擔心未能出席而失獎？他說：「佢哋都係全民投票，都好公平、透明嘅。」而袁偉豪笑說：「佢依家唔會諗呢啲，佢淨係諗幾時有得瞓覺。」他亦認為拍攝時撞瘀碰傷在所難免，慶幸沒有大傷。