女歌手Aga的新歌《Superman》，無論旋律、歌詞，甚至MV的拍攝，都流露着甜蜜氣息，惟她笑言仍未找到心中的Superman。談及新歌，原來是被日籍女排舞老師與男友間恍如靈魂伴侶的愛情故事所感動而創作。

AGA「一」心一意要找個「若」有還無的「Superman」，想得到嗎？祈求天父做十分鐘好人……

文：陳丹

攝：劉斌

靈魂伴侶

去年憑《一》人氣爆燈的唱作歌手Aga（江海迦）今年再接再厲，早前推出新歌《Superman》，她受訪時分享創作理念：「其實係寫我嘅日籍排舞老師Haruna同佢男朋友Kenny嘅愛情故事，佢唔識講廣東話，嚟到香港Develop（發展）事業，好有Passion（熱誠）又叻，為自己鍾意嘅嘢犧牲好多，佢另一半Kenny好Support佢。兩個都係Dancer，一齊追夢，從來追夢都唔簡單，去支持另一半追夢就更難。佢一知道首歌係寫佢哋兩個，就幫我排咗隻舞，係講佢同Haruna之間嘅愛，唔係要轟烈，係好似Soulmate（靈魂伴侶）咁嘅朋友。」

音樂分享

雖然想找一個支持自己追夢的Superman，但Aga明白不可心急，況且她亦忙於製作音樂：「之前喺大學做騷，佢哋將《一》、《若》同埋《Superman》做劇場版，先知道自己嘅歌對呢班大學生嚟講係咩意思。唱《一》嘅時候落緊雨，個個學生都仲留喺度聽，真係好感動，而且亦令首歌更加浪漫。呢個係第一個屬於自己嘅Mini音樂會，唱到最後一首真係唔捨得，第一次分享每一首歌係講啲乜，令更多人知道我點解寫呢首歌，我唔會話呢個係一個騷，而係一個Music Sharing（音樂分享）！」

安全地帶

今年經歷很多開心與不開心，包括家姐的離開，Aga自覺一下子長大了，更勇敢地走出Comfort Zone：「我覺得今年冇嘥過任何時間，更學識珍惜生命，我發覺呢個世界好大，以前嘅我可能坐喺間房入面係咁寫歌，今年我走出去試唔同嘅嘢，先可以去寫到新嘅音樂，而交畀舒文嘅歌亦同以往唔同，嚟緊都想令歌迷聽到唔同類型嘅歌。」

場地：PizzaExpress@永豐街

髮型：Veron Chan@Hair Corner（Central）